სასწავლო პროექტის გეგმა

სასწავლო თემის ავტორი
სახელი და გვარი	თამარ კობახიძე
რაიონი	ამბროლაური
სკოლა	ნიკორწმინდის საჯარო სკოლა
სოფელი	ნიკორწმინდა
თემის  მონახაზი
თემის  დასახელება
,,იყო მკითხველი, ეს თავისთავად სასწაულია“
თემის შინაარსი
მოცემული პროექტით მოსწავლეებში ამაღლდება წიგნიერების დონე. სკოლაში გაიმართება წიგნების გამოფენა; კატეგორიებად დაყოფილი ლიტერატურიდან მოსწავლეები შეარჩევენ და წაიკითხავენ სასურველ ლიტერატურას; განიხილავენ და შეაფასებენ მას; მოიძიებენ დამატებით ინფორმაციას; დაააკვირდებიან, გააანალიზებენ პერსონაჟთა ქმედებებს, ავტორთა ცხოვრებას, კავშირებს უცხოურსა და ქართულ ლიტერატურას შორის; პროექტის ფარგლებში მოეწყობა ინტელექტუალური შეჯიბრებები, განძის ძიება, დისკუსიები, პრეზენტაციები, ლიტერატურული საღამოები, შემოქმედებითი და ესეების კონკურსი, სადაც მოსწავლეები განივითარებენ და წარმოაჩენენ კითხვის, ზეპირმეტყველების, წერის უნარებს; მოსწავლეები შექმნიან საკონკურსო ნამუშევრების ილუსტრირებულ კრებულს  და პროექტის ღონისძიებებიდან გამომდინარე, შთაბეჭდილებების ალბომს, კედლის გაზეთებსა და ბუკლეტებს, რაც ხელს შეუწყობს მათში შემოქნედებითი აზროვნების განვითარებას; ჩატარებული ღონისძიებები გადაიღება და თითოეული მოსწავლე დრო და დრო თავის მიერ შექმნილ ბლოგსა და სოციალურ ქსელებზე ატვირთავს შერჩეულ ფრაგმენტებს, რითაც პოპულარიზაციას გაუწევს წიგნს.
საგანი
ქართული ენა და ლიტერატურა, XIX-XXსს.-ის დასავლური ლიტერატურა
დონე/კლასი
X, XI, XII კლასის მოსწავლეები (14 მოსწავლე)
განხორციელების დროის ჩარჩო
3 თვე (ოქტომბერი, ნოემბერი, დეკემბერი), კვირაში 3 დღე
თემის საფუძვლები
შინაარსობრივი სტანდარტები და ინდიკატორები
ქართული ენა და ლიტერატურა ქართ. X. 8. მოსწავლეს შეუძლია სხვადასხვა ჟანრის მხატვრული ნაწარმოებების, პუბლიცისტური თხზულებების წაკითხვა და მათ მიმართ საკუთარი დამოკიდებულების გამოხატვა.  შედეგი თვალსაჩინოა, თუ მოსწავლე: ·         საუბრობს იმის შესახებ, თუ რაზე დააფიქრა მხატვრულმა თუ პუბლიცისტურმა თხზულებამ; ·         აკრიტიკებს ან იზიარებს ნაწარმოების პერსონაჟის ან ავტორის  შეხედულებებს (მოჰყავს ციტატები ტექსტიდან საკუთარი აზრის ნათელსაყოფად); ·         მსჯელობს პრობლემაზე, რომელიც დაინახა თხზულებაში; ·         განმარტავს, რატომ წაიკითხა ან ვერ წაიკითხა თხზულება ინტერესით/გატაცებით; ·         საუბრობს იმის შესახებ, რამდენად შეესაბამება / არ შეესაბამება ის, რაც თხზულებაშია ასახული, მის პირად ცხოვრებისეულ გამოცდილებას ან შეხედულებებს. ქართ. X. 9. მოსწავლეს შეუძლია სხვადასხვა ჟანრის მხატვრული ნაწარმოების გაანალიზება. შედეგი თვალსაჩინოა, თუ მოსწავლე: ·         განსაზღვრავს ნაწარმოების ცენტრალურ იდეას / პრობლემატიკას; ·         აჯგუფებს პერსონაჟებს კონფლიქტთან მიმართებით; ·         თხრობითი ხასიათის ნაწარმოებებში გამოყოფს სიუჟეტის განვითარების საფეხურებს (კვანძის შეკვრა, მოქმედების განვითარება, კულმინაცია, კვანძის გახსნა); ·         საუბრობს ნაწარმოებში პეიზაჟის, ინტერიერის ფუნქციაზე; ·         მსჯელობს ავტორის მეტყველების თავისებურებაზე, მხატვრულ-გამომსახველობით ხერხებსა (ალუზია, ალეგორია, გაპიროვნება, ეპითეტი, მეტაფორა, შედარება და სხვ.) და მათს ფუნქციაზე ნაწარმოებში; ·         განსაზღვრავს ავტორის, მთხრობელის, პერსონაჟის პოზიციას ან ხედვის კუთხეს, რაც განაპირობებს ნაწარმოებში წარმოდგენილი ამბის / კონფლიქტის / პრობლემის ინტერპრეტაციას; ქართ. X. 11. მოსწავლეს შეუძლია დაწეროს თხზულება სხვადასხვა მიზნით და სხვადასხვა აუდიტორიისათვის. შედეგი თვალსაჩინოა, თუ მოსწავლე: ·         წერის დაწყებამდე აზუსტებს მიზანს და აუდიტორიას (რისთვის წერს -თვითგამოხატვის, მკითხველის ინფორმირების, დარწმუნების თუ მხატვრული ნაწარმოების შექმნის მიზნით; ვინ არის მისი ნაწერის პოტენციური მკითხველი: მასწავლებელი, სხვა უფროსები, თანატოლები თუ მასზე უმცროსები); ·         ირჩევს მიზნისა და აუდიტორიის შესაფერის სტილს (მაგ., თუ ნაწერი მისი თანატოლების ან მასზე უმცროსებისთვისაა განკუთვნილი, ირჩევს სასაუბრო ტონს და მის შესატყვის ლექსიკას; საკონფერენციო თემისათვის - აკადემიურ სტილს და სხვ.); ·         შეარჩევს და იყენებს წყაროებს მიზნისა და აუდიტორიის გათვალისწინებით; ·         შავად შესრულების შემდეგ გადაამუშავებს ნაწერს (გადახედავს კრიტიკული თვალით; ამოიღებს, ჩაამატებს, გადააადგილებს მონაკვეთებს იმის მიხედვით, არის თუ არა სათქმელი ლოგიკურად დალაგებული, გასაგებია თუ არა აუდიტორიისათვის, არის თუ არა შესავალი და დასკვნა ეფექტური; არის თუ არა კავშირი წინადადებებსა და აბზაცებს, ტექსტის ცალკეულ ნაწილებს შორის; მიესადაგება თუ არა ტექსტი მიზანსა და სათაურს). ქართ. X. 15. მოსწავლეს შეუძლია  დაწეროს გამოხმაურება წაკითხულ წიგნზე ან მხატვრულ ნაწარმოებზე. შედეგი თვალსაჩინოა, თუ მოსწავლე: ·         გადმოსცემს წაკითხულით აღძრულ შთაბეჭდილებებს; ·         წარმოადგენს პრობლემას, რომელიც დაინახა ნაწარმოებში; აკრიტიკებს ან იზიარებს ავტორის თვალსაზრისს; ·         გამოხატავს პერსონაჟთა მიმართ საკუთარ დამოკიდებულებას; ·         მსჯელობს იმის შესახებ, რა იყო კონკრეტულ ნაწარმოებში მისთვის მისაღები და რა - მიუღებელი; ·         ურთავს კომენტარებს მისთვის ყველაზე შთამბეჭდავ ადგილებს; ·         მოიხმობს ადგილებს ტექსტიდან საკუთარი აზრის დასასაბუთებლად.  ქართ. X. 1. მოსწავლეს შეუძლია მონაწილეობის მიღება საკლასო და სასკოლო დისკუსიებში. შედეგი თვალსაჩინოა, თუ მოსწავლე: ·         დისკუსიის დროს წარმოადგენს საკუთარ ან ჯგუფის საერთო პოზიციას; ·         მკაფიოდ და გასაგებად აყალიბებს აზრს; ·         მსჯელობს არგუმენტირებულად, გამოაქვს ადეკვატური დასკვნა; ·         იყენებს ფაქტებს (მაგ., სტატისტიკურ მონაცემებს) და ციტატებს სხვადასხვა წყაროდან საკუთარი მოსაზრების გასამყარებლად; ·         საუბრისას შემოიფარგლება კონკრეტული თემით და თავს არიდებს ზოგად საკითხებზე მსჯელობას; ·         დამაჯერებლად იცავს საკუთარ მოსაზრებას, მაგრამ არ ცდილობს დისკუსიაში დომინანტური პოზიციის დაკავებას; ·         სათანადო წესისა და ეტიკეტის დაცვით უძღვება მინი-დისკუსიას (იმ შემთხვევაში, თუ წამყვანია). ქართ. XI. 5. მოსწავლეს შეუძლია სხვადასხვა ეპოქის ტექსტების გაანალიზება მათში ასახული ინფორმაციის, თემების, იდეებისა და პრობლემატიკის თვალსაზრისით. შედეგი თვალსაჩინოა, თუ მოსწავლე: ·         მსჯელობს იმაზე, თუ როგორ განსაზღვრავს კონკრეტული ეპოქა ლიტერატურულ თემებს, იდეებს, პრობლემატიკას და ინფორმაციის სპეციფიკურობას; ·         აანალიზებს კონკრეტული ეპოქის დამახასიათებელ ნიშნებს და მათს გავლენას ლიტერატურულ ნაწარმოებში ასახული პრობლემის გადაჭრის გზებზე;  ·         აანალიზებს ერთი ეპოქის ტექსტებში ასახულ პრობლემებს, თემებს, იდეებს მსგავსება-განსხვავების თვალსაზრისით; ·         ადარებს ერთი და იმავე თემების, იდეების, პრობლემების ინტერპრეტაციას სხვადასხვა ეპოქის ტექსტებში და მსჯელობს მსგავსება-განსხვავებაზე;  ·         შეაფასებს ეპოქისთვის დამახასიათებელ თემებს, იდეებსა და პრობლემებს ამავე ეპოქის სოციალურ-კულტურული კონტექსტის გათვალისწინებით; ·         ამოიცნობს კონკრეტული ეპოქისთვის დამახასიათებელ თემებს, იდეებსა და პრობლემებს სხვადასხვა ნაწარმოებში და შეაფასებს ამავე ეპოქისთვის დამახასიათებელი ღირებულებებისა და ფასეულობების კონტექსტში. ქართ. XI. 9. მოსწავლეს შეუძლია მხატვრული ნაწარმოების წერილობით გაანალიზება. შედეგი თვალსაჩინოა, თუ მოსწავლე: ·         განსაზღვრავს ნაწარმოების თემას და იდეას; ·         მსჯელობს მის კომპოზიციურ თავისებურებაზე და სტრუქტურული ელემენტების (ექსპოზიციის, პროლოგის, ეპილოგის) დანიშნულებაზე; სათანადოდ იყენებს წერის პროცესში თავის ცოდნას; ·         აანალიზებს პერსონაჟთა სახეებს, აჯგუფებს  კონფლიქტთან მიმართებით და განსაზღვრავს მათს როლს სიუჟეტის განვითარებაში; ·         მსჯელობს ავტორის პოზიციისა და იმის შესახებ, როგორ გამოიხატება ეს პოზიცია ნაწარმოებში; ·         აანალიზებს ტექსტს მხატვრულ-გამომსახველობითი თვალსაზრისით (როგორ ქმნის ავტორი თხრობაში განწყობას, პერსონაჟთა სახეებს; რამდენად ეფექტურია ნაწარმოების სტილი და ენა; მსჯელობს ლექსის რიტმის, რითმისა და ბგერწერული ეფექტების შესახებ); აკავშირებს მხატვრულ ნაწარმოებს ისტორიულ კონტექსტთან. ქართ. XI. 10. მოსწავლეს შეუძლია სხვადასხვა სახის ესეის დაწერა. შედეგი თვალსაჩინოა, თუ მოსწავლე: ·         წერს ესეის, რომელშიც პირად ან ლიტერატურულ გამოცდილებაზე დაყრდნობით მსჯელობს მოცემული თემის, პრობლემების შესახებ (ამტკიცებს / უარყოფს, გამოთქვამს ვარაუდს, ადარებს, ავლებს პარალელებს); ·         წერისას იყენებს მხატვრულ-გამომსახველობით ხერხებს, რომელთა საშუალებითაც უკეთ წარმოაჩენს თავის შემოქმედებით, ესთეტიკურ დამოკიდებულებას ტექსტისადმი; ·         მოცემული თემის შესახებ მოიძიებს, აფასებს და შეარჩევს შესაბამის წყაროებს, ლიტერატურულ პარალელებს, იხსენებს ცხოვრებისეულ ფაქტებს და სხვ.; ·         განიხილავს პერსონაჟის ხასიათს, ქცევის მოტივს, ღირებულებებსა და ფასეულობებს (ფსიქოლოგიური პორტრეტი); ·         წერს ლიტერატურულ ესეის, რომელშიც ახასიათებს პერსონაჟს ან განიხილავს ნაწარმოებში ასახულ პრობლემას; ·         განიხილავს ნაწარმოებში ასახულ პრობლემას, რისთვისაც იყენებს ლიტერატურულ ან ცხოვრებისეულ პარალელებს; ·         წერს ესეის შემოქმედებითი თვითგამოხატვისთვის, განწყობილებების, შთაბეჭდილებების, ემოციების და ა. შ. გადმოსაცემად. ქართ. XI. 1. მოსწავლეს შეუძლია საჯარო მოხსენების წარმოდგენა (ზეპირი გამოსვლა)  კონკრეტული აუდიტორიის წინაშე კონკრეტული მიზნით. შედეგი თვალსაჩინოა, თუ მოსწავლე: ·         წინასწარ განსაზღვრავს საჯარო გამოსვლის მიზანს (აუდიტორიის ინფორმირება / დაინტერესება / გადარწმუნება / პროვოცირება...), არჩევს ტექსტის ტიპს, ენას და აგებს ზეპირი გამოსვლის ტექსტს კონკრეტული ამოცანის მიხედვით; ·         ითვალისწინებს აუდიტორიას (ვინ არის მსმენელი, რა სოციალურ-კულტურული ინტერესები და ცოდნის დონე აქვს აუდიტორიას, რამდენად იცნობს იგი განსახილველ საკითხს და ა.შ.); ·         წინასწარ მოფიქრებული გეგმის მიხედვით (შესავალი, ძირითადი ნაწილი, დასკვნები) გადმოსცემს სათქმელს; ·         მკაფიოდ,  ცხადად და გასაგებად აყალიბებს განსახილველი საკითხის არსს, პრობლემის განმსაზღვრელ ასპექტებს და საკუთარ მოსაზრებას; ·         საუბრობს  კონკრეტული თემის სპეციფიკის შესაბამისი ცნებებით, ტერმინებით, ფრაზებით, რომლებიც თავადაც კარგად აქვს გააზრებული და სხვებსაც აგებინებს (აზუსტებს, განმარტავს, პარალელს ავლებს და ა. შ.); ·         საკუთარი მოსაზრების გასამყარებლად იყენებს ციტატებს მხატვრული ნაწარმოებებიდან, სამეცნიერო ლიტერატურიდან, ლიტერატურული კრიტიკიდან და სხვადასხვა საინფორმაციო რესურსს (ფაქტებს, ფრაგმენტებს ინტერვიუდან, სტატისტიკურ მონაცემებს, ბიბლიოთეკას, ინტერნეტს, აუდიო და ვიზუალურ მასალას და ა. შ.), რითაც ხელს უწყობს მთავარი იდეის გამოკვეთას; ·         იყენებს სხვადასხვა სახის საორგანიზაციო მოდელებს (შედარება-შეპირისპირებას, ქრონოლოგიურ თანამიმდევრობას, სივრცულ განლაგებას, მიზეზ-შედეგობრიობას, განსაზღვრებას, მნიშვნელობის ხარისხს, პრობლემას და მის გადაწყვეტას); ·         ასრულებს საკომუნიკაციო დავალებას იმიტირებულ სიტუაციებში (როლური თამაშები, თეატრალურ-იმპროვიზაციული წარმოდგენები, ინტერვიუს აღება და სხვ.). ქართ. XII. 6. მოსწავლეს შეუძლია სხვადასხვა ტექსტში ასახული ფასეულობებისა და შეხედულებების ერთმანეთთან შედარება. შედეგი თვალსაჩინოა, თუ მოსწავლე: ·         მსჯელობს სხვადასხვა ნაწარმოებში ასახული ფასეულობებისა და შეხედულებების მსგავსება-განსხვავებაზე; ·         მსჯელობს იმ ფაქტორების შესახებ, რომლებიც სხვადასხვა ნაწარმოებში ასახულ შეხედულებებსა და ფასეულობებს შორის არსებულ განსხვავებებს განაპირობებს; ·         სხვადასხვა ეპოქის ლიტერატურული ნაწარმოებების ანალიზის საფუძველზე ადარებს ერთმანეთს ძველ და თანამედროვე ფასეულობებს; ·         წარმოსახვის საშუალებით გადააქვს ნაწარმოებში ასახული მოვლენები თანამედროვე ან მისთვის საინტერესო სხვა კონკრეტულ სოციალურ, კულტურულ და ისტორიულ კონტექსტში (ადგილი, დრო, ადამიანური ურთიერთობების ფორმები და ა.შ.); ·         საუბრობს იმაზე, თუ როგორ მოქმედებს კულტურული, სოციალური და ისტორიული ფასეულობები პრობლემის არსის გაგებასა და მისი გადაჭრის გზებზე. ქართ. XII. 13. მოსწავლეს შე-უძლია მხატვრული ნაწარმო-ების ანალიზის დაწერა. შედეგი თვალსაჩინოა, თუ მოსწავლე: ·         განსაზღვრავს ნაწარმოების კონცეპტუალურ იდეას; ·         თავისუფლად ახერხებს მხატვრული ტექსტის ანალიზის ორგანიზება-სტრუქტურირებას; ·         ახასიათებს პერსონაჟებს (ადარებს და უპირისპირებს მათ ერთმანეთს); ქმნის პერსონაჟთა ფსიქოლოგიურ პორტრეტს კონკრეტული კონტექსტის მიხედვით (საქციელი, გადაწყვეტილება, მსჯელობა და ა. შ.);  ·         განსაზღვრავს კონფლიქტის არსს და აანალიზებს პერსონაჟთა დამოკიდებულებას / მიმართებას ამ კონფლიქტთან; ·         წერილობით გადმოსცემს ავტორის დამოკიდებულებას ნაწარმოებში ასახულ ფასეულობებსა და შეხედულებებზე; ·         აანალიზებს ტექსტის მხატვრულ-გამომსახველობით საშუალებებს (განწყობის, პერსონაჟთა სახეების შექმნა; ნაწარმოების სტილი და ენა; ლექსის რიტმი, რითმა და სხვადასხვა ენობრივი საშუალებები, რომლებიც ქმნიან მხატვრულ ეფექტებს) და მსჯელობს, რამდენად შეესაბამება ეს საშუალებები ნაწარმოების ძირითად შინაარსს; ·         იყენებს ციტატებს ნაწარმოებიდან საკუთარი არგუმენტების დასასაბუთებლად; ·         მსჯელობს, თუ რა დამოკიდებულება აქვს ავტორს კონკრეტული ისტორიული ეპოქის კულტურული ფასეულობების მიმართ. XIX-XX საუკუნეების დასავლური ლიტერატურა არჩ. დას. X/XI/XII. 7. მოსწავლეს შეუძლია დასავლურ და ქართულ ლიტერატურულ ტექსტებში ასახული ფასეულობებისა და შეხედულებების ერთმანეთთან შედარება და გაანალიზება. შედეგი თვალსაჩინოა, თუ მოსწავლე: ·            აკვირდება და მსჯელობს ამა თუ იმ ჟანრის ქართულ და დასავლურ ლიტერატურულ ტექსტებში ასახულ ფასეულობებსა და ღირებულებებზე კონკრეტულ ტექსტებზე დაყრდნობით; შედარებითი ანალიზის საფუძველზე ადგენს მსგავსება-განსხვავებას მათ შორის. (მაგ., პიროვნულის თავისუფლებისა და ისტორიული აუცილებლობის კონცეპტების ურთერთმიმართების გასააზრებლად ერთმანეთს უდარებს ჯ. ბაირონის ”ოდას ნაპოლეონისადმი” და ნ. ბარათაშვილის ”ნაპოლეონს”); ·            აანალიზებს კონკრეტულ ტექსტებში გამოვლენილ ფასეულობებს შესაფერისი ეპოქის სოციალურ-საზოგადოებრივი, ისტორიული, კულტურული კონტექსტის / კონტექსტების გათვალისწინებით (მაგ., მსჯელობს იმის შესახებ, თუ რამდენად აისახა ნაციონალური დამოუკიდებლობისა და თავისუფლების იდეა XIX-XX სს.-ის დასავლურსა და ქართულ ლიტერატურაში. ამ მიზნით ერთმანეთს უდარებს ა. მიცკევიჩის ”პან თადეუშსა” და ა. წერეთლის ”თორნიკე ერისთავს”); ·            აფასებს კონკრეტულ ტექსტში/ტექსტებში ასახული ფასეულობებსა და ღირებულებებს თანამედროვე ფასეულობებთან  მიმართებით (მაგ., წესრიგისა და თავისუფლების ურთიერთმიმართების პრობლემას იაზრებს იმგვარი ნაწარმოებების შედარებით, როგორებიცაა პ. მერიმეს "მატეო ფალკონე” და ა. ყაზბეგის ”ხევისბერი გოჩა”).
მოსწავლეების ამოცანები/სწავლის შედეგები
მოსწავლეები შეძლებენ: მონაწილეობის მიღებას საკლასო და სასკოლო დისკუსიებში; საჯარო მოხსენების წარმოდგენას (ზეპირი გამოსვლა)  კონკრეტული აუდიტორიის წინაშე კონკრეტული მიზნით. სხვადასხვა ჟანრის მხატვრული ნაწარმოებების, პუბლიცისტური თხზულებების წაკითხვასა,  მათ მიმართ საკუთარი დამოკიდებულების გამოხატვასა და გაანალიზებას; სხვადასხვა ეპოქის ტექსტების გაანალიზებას მათში ასახული ინფორმაციის, თემების, იდეებისა და პრობლემატიკის თვალსაზრისით;  სხვადასხვა ტექსტში ასახული ფასეულობებისა და შეხედულებების ერთმანეთთან შედარებას; სხვადასხვა მიზნით და სხვადასხვა აუდიტორიისათვის თხზულების დაწერას; მხატვრული ნაწარმოების წერილობით გაანალიზებას წაკითხულ წიგნზე ან მხატვრულ ნაწარმოებზე  გამოხმაურების დაწერას;  სხვადასხვა სახის ესეის დაწერას; დასავლურ და ქართულ ლიტერატურულ ტექსტებში ასახული ფასეულობებისა და შეხედულებების ერთმანეთთან შედარება და გაანალიზებას; პრეზენტაციების მომზადებასა და წარდგენას (პროექტის, წიგნების, მათთვის საინტერესო ნაწარმოების|ნაწარმოებების, თემის შესახებ); სარეკლამო ბუკლეტებისა და კედლის გაზეთების მოამზადებასა  და წარდგენას; გუნდური ინტელექტუალური შეჯიბრებების ჩატარებას და ამით კომუნიკაციისა და თანამშრომლობის უნარის განვითარებას; ლიტერატურული დისკუსიების გამართვას მათ მიერვე შერჩეულ აქტუალურ თემებზე (წაკითხული ლიტერატურიდან გამომდინარე);  ახალი იდეების განვითარებასა და სხვათათვის გაზიარებას შემოქმედებითსა და ესეების კონკურსებში; ლიტერატურული საღამოების ისტ-ის გამოყენებით მოწყობას; საკონკურსო ნამუშევრების ილუსტრირებულ კრებულის შექმნას (შეარჩიონ, დაალაგონ, გააფორმონ); შთაბეჭდილებების ალბომის შექმნას (დაწერონ წერილები, შთაბეჭდილების ფურცლები, დაამზადონ აპლიკაციები და ილუსტრაციები); ბლოგების შექმნას, გუგლის ფორმების გამოყენებას (კვლევა) და ჩატარებული ღონისძიებების კადრების დრო და დრო გამოქვეყნებას, რითაც პოპულარიზაციას გაუწევენ წიგნს.
მიმართულების მიმცემი საკვანძო შეკითხვები
ზოგადი კითხვა		რას აფასებთ ცხოვრებაში? რას ვერ ეგუებით? რას შეცვლიდით? რას მიიჩნევთ სასწაულად?
თემატური კითხვები		რა წაგიკითხავთ? გიყვართ წიგნი? რას აფასებთ წიგნში (ყდა, ილუსტრაცია, შინაარსი, ავტორი, ფასი, პოპულარობა...)? რას ფიქრობთ ადამიანზე, რომელიც ბევრს კითხულობს?
შინაარსობრივი კითხვები		რაზე შეგიძლიათ თქვათ, რომ ძლიერ გიყვართ (რომელი საქმიანობა)? იცით ვინა არიან გურამ დოჩანაშვილი, ჯეკ ლონდონი, ალექსანდრე ყაზბეგი, პროსპერ მერიმე, ჯემალ ქარჩხაძე, ფრანც კაფკა, ნიკოლოზ ბარათაშვილი, ადამ მიცკევიჩი, ილია ჭავჭავაძე, ერნესტ ჰემინგუეი, რეი ბრედბერი, ოთარ ჭილაძე, ჯერომ სელინჯერი, ვაჟა-ფშაველა, ალბერ კამიუ, ოსკარ უაილდი, ერნსტ თეოდორ ამადეუს ჰოფმანი???  წაგიკითხავთ რომელიმე მათგანის რომელიმე ნაწარმოები? წაგიკითხავთ ,,კაცი, რომელსაც ლიტერატურა ძლიერ უყვარდა“? რა გრძნობებს იწვევს კითხვა? გვანან თუ არა პერსონაჟები ცოცხალ, რეალურ ადამიანებს? (გვხვდებიან თუ არა პერსონაჟები რეალურ სამყაროში? ) საასწაული ფანტასტიკაა თუ იშვიათობა? ცვლის თუ არა ლიტერატურა სამყაროს?

შეფასების გეგმა

შეფასების დროის ჩარჩო

პროექტზე მუშაობის დაწყებამდე მოსწავლეები მუშაობენ პროექტებზე და ასრულებენ დავალებებს პროექტზე მუშაობის დასრულების შემდეგ კითხვა-პასუხი T სქემა ვ-მ-ვ სქემა ვენის დიაგრამა  ბუკლეტი გაზეთი პუბლიკაცია ვენის დიაგრამა T სქემა ინტელექტუალ. შეჯიბრი დისკუსია კვლევა(გუგლის            ფორმები) პრეზენტაცია ესე ბლოგი ლიტერატურული საღამო ვენის დიაგრამა პრეზენტაცია დისკუსია ინტელექტუალ.- შემოქმედებითი თამაში ,,განძის ძიება" შემოქმედებითი კონკურსი ლიტერატურული საღამო პორტფოლიო ბლოგი

შეფასების/შეფასების ინსტრუმენტების მოკლე მონახაზი

მოსწავლეთა  საჭიროებების განსაზღვრისათვის გამოვიყენებ კითხვა-პასუხს, ვენის დიაგრამასა და ვიცი-მინდა გავიგო-ვისწავლე სქემას; მიზნების დასახვისათვის T სქემას;  პროგრესის მონიტორინგისა და, უკუკავშირის უზრუნველყოფისათვის  თვითშეფასებისა და თანატოლთა შეფასების ფორმებს; კრიტიკული აზროვნების და პროცესების შეფასებისათვის დისკუსიას, ლიტერატუტლ საღამოს, პრეზენტაციას, ესეისა და ინტელექტუალურ  შეჯიბრს;  სასწავლო პროცესის ანალიზისთვის ბუკლეტს, გაზეთს, ბლოგს, პრეზენტაციას;   მოცემული ინსტრუმენტები  მოიცავს ინსტრუქციებს წერითი სამუშაოსთვის, პრაქტიკული მუშაობის ჩანაწერებს, ჩამონათვალებს, გამოკითხვებსა და რუბრიკებს.

სხვა საკითხები

საბაზისო უნარ-ჩვევები

ტექსტის დამუშავების უნარ-ჩვევა ინტერნეტ ძიება კომპიუტერთან მუშაობის უნარ-ჩვევები

სასწავლო პროცედურები

პირველ დღეს მასწავლებელი მოსწავლეებს კრებს სკოლაში და უსვამს კითხვებს (ზოგადი, თემატური, შინაარსობრივი). შემდეგ მოსწავლეები ინდივიდუალურად ავსებენ T სქემას ლიტერატურის შესახებ (5 წთ.); შედეგები შეიკირბება და თითოეული მოსწავლე, დაფაზე მასწავლებლის მიერ წინასწარ გამზადებულ T სქემაში, ჩამოწერს საკუთარი ნაშრონის სხვათაგან განსხვავებულ პუნქტებს; შედეგები განიხილება; მოსწავლეები ინდივიდუალურად ავსებენ სქემას ,,ვიცი-მინდა გავიგო-ვისწავლე"-ს I-სა და II ნაწილებს; შემდეგ მასწავლებელი მოსწავლეებს კენჭისყრის საშუალებით ყოფს ჯგუფებად (3), აცნობს მათ მწერალთა და ნაწარმოებთა ჩამონათვალს (რომელიც შედგება ქართველი და უცხოელი მწერლების ნაწარმოებებთა წყვილებისაგან) და  მოსწავლეები ხმათა უმრავლესობით შეარჩევენ სასურველ წყვილს, რომელიც უნდა წაიკითხონ და დაამუშაონ (პერსონაჟთა ჩამონათვალი, მოქმედებათა გეგმა, მნიშვნელოვანი და საინტერესო ადგილების მონიშვნა-ამოწერა, კომენტარების გაკეთება) ერთ კვირაშიეს პროცედურა განმეორდება ყოველ მეორე კვირაში. მათ მიეცემათ აგრეთვე აქტივობათა ჩამონათვალი (ვენის დიაგრამის შევსება, ინტელექტუალური თამაშისთვის კითხვების მოფიქრება (მნიშვნელოვანი ფაქტები, აზრები), დისკუსიისათვის მომზადება) და შეფასების რუბრიკები. მომდევნო კვირაში პირველ დღეს ჩატარდება ინტელექტუალური თამაში, სადაც გუნდის თითოეული წევრი გუნდს კითხვებით ამარაგებს; პასუხები წიგნში უნდა მიეთითებოდეს, უნდა მონიშნული ჰქონდეს და დაასაბუთოს; თითოეული გუნდი ცდილობს მოწინააღმდეგე გუნდები დაამარცხოს. კარგი კითხვა და სწორი პასუხი თითო-თითო ქულას უდრის. კითხვების დასმის რიგსა და დროს აკონტროლებს მასწავლებელი, შედეგებს ინიშნავს დაფაზე. თამაშის დასრულებისას თითოეული მოსწავლე წარმოადგენს საკუთარ კითხვების ფურცელს, იგი შეფასდება. შედეგებს ინიშნავენ მოსწავლეებიც და მასწავლებელიც. მომდევნო დღეს გაიმართება დისკუსია; მონაწილე გუნდების ნამუშევრები (ვენის დიაგრამა) და დისუსიაში მონაწილეობის ხარისხი შეფასდება (თვითშეფასება, თანატოლთა შეფასება, მასწავლებლის შეფასება). მომდევნო დღეს მოსწავლეები კენჭისყრით გადაჯგუფდებიან და შეარჩევენ ნაწარმოებთა მომდევნო დასამუშაველელ წყვილს (ისევ ერთი კვირის ვადა;) ამასთანვე მოსწავლეებს მიეცემათ ორი-სამი დღის ვადა, რათა მოამზადონ ბუკლეტი, რომლითაც რეკლამას გაუწევენ წაკითხულ ნაწარმოებებს ; დაურიგდებათ შაბლონიც და შეფასების რუბიკაც. შემდეგ დღეს ბლოგზე იმუშავებენ (შექმნა, ინფორმაციის განთავსების მექანიზმები). მომდევნო ეტაპი წინა ორი კვირის მსგავსი იქნება, მხოლდ აქტივობების შემდეგი თანმიმდევრობით: ინტელექტუალური შეჯიბრი, Tსქემა+დისკუსია+ვენის დიაგრამა, გაზეთი, გუგლის ფორმები (კვლევის დაწყება-კითხვარს თავად მოსწავლეები შეადგენენ), გადაჯგუფება+ნაწარმოებთა ახალი წყვილი; მომდევნო ეტაპი წინა ორი კვირის მსგავსი იქნება, მხოლდ აქტივობების შემდეგი თანმიმდევრობით: ინტელექტუალური შეჯიბრი, ლიტერატურული საღამო (მოსწავლეები წაიკითხავენ მათთვის საინტერესო და მნიშვნელოვან ფრაგმენტებს წაკითხული ნაწარმოებებიდან); პრეზენტაცია, გუგლის ფორმები (კვლევის გაგრძელება), ბლოგზე ინფორმაციის ატვირთვა, გადაჯგუფება+ნაწარმოებთა ახალი წყვილი;  მომდევნო ეტაპი წინა ორი კვირის მსგავსი იქნება, მხოლდ აქტივობების შემდეგი თანმიმდევრობით: ინტელექტუალური შეჯიბრი, Tსქემა+დისკუსია+ვენის დიაგრამა, ესე, გუგლის ფორმები (კვლევის დასრულება-კითხვარს აანალიზებენ, მონაცემებს აჯამებენ, შეადგენენ მოხსენებას), გადაჯგუფება+ნაწარმოებთა ახალი წყვილი; მომდევნო ეტაპი წინა ორი კვირის მსგავსი იქნება, მხოლდ აქტივობების შემდეგი თანმიმდევრობით: ინტელექტუალური შეჯიბრი, Tსქემა+დისკუსია+ვენის დიაგრამა, პრეზენტაცია, ესე, ბლოგზე მუშაობა, გადაჯგუფება+ნაწარმოებთა ახალი წყვილი, (მოსწავლეებს ეცნობებათ, რომ ორი კვირი შემდეგ შემოქმედებითი კონკურსი ჩატარდება; და ლიტერატურულ საღამოს , რომელიც ასევე ორი კვირის შემდეგ იქნება, ემატება პოეზია-ჩამოთვლილი პოტების ნაწარმოებთა თავისუფალი არჩევანი); მომდევნო ეტაპი წინა ორი კვირის მსგავსი იქნება, მხოლდ აქტივობების შემდეგი თანმიმდევრობით: ინტელექტუალური შეჯიბრი, Tსქემა+დისკუსია+ვენის დიაგრამა, განძის ძიება, შემოქმედებითი კონკურსი ( დრო-1 საათი; მასალა- შეუზღუდავი), ლიტერატურული საღამო, პორტფოლიოს ბლოგზე განთავსება (პორტფოლიოში უნდა შედიოდეს ყოველი აქტივობის ნიმუში, თვითშეფასების ფორმები) მოსწავლეები ქმნიან შთაბეჭდილებების ალბომს. ყოველი აქტივობა ფასდება თვითშეფასების, თანატოლთა შეფასებისა და მასწავლებლის შეფასების რუბრიკებით.

დიფერენცირებული სწავლება
	სპეციალური საჭიროებები	მოსწავლეეს ექნება დამატებითი დრო სწავლისთვის, მოდიფიცირებული სასწავლო ამოცანები, მოდიფიცირებული დავალებები, ჯგუფური მუშაობა, დავალებების კალენდარი, სპეციალისტების დახმარება. რესურსებად გამოვიყენებ დასურათებულ კლასგარეშე ლიტერატურას, სპეციალურად მომზადებულ სათამაშო ბარათებს , ფერად ფურცლებსა და სახატავ მასალას დავალაებათა (მაგ. ილუსტრაცია, მასალის ფერებად წარმოდგენა...) სახლისოდ და იოლად შესარულებლად. შეფასების კომპონენტები, სადაც მოსწავლემ უნდა წარმოაჩინოს თავისი ცოდნა, იქნება მოდიფიცირებული, შესაფერისი, ( ზეპირი გამოკითხვა, წერილობითი ტესტის ნაცვლად; სიტყვის სწორად ამოკითხვა, მისი გარჩევის ნაცვლად).
	არაქართულენოვანი მოსწავლეები (მოსწავლეები, რომლებისთვის სწავლების ენა არ არის მშობლიური)	სასწავლო კურსსა და ინდივიდუალური გაკვეთილებში გათვალისწინებული იქნება ბილინგვური მოსწავლეები ან თემში მოხალისე მასწავლებლები, ქართული ენის შემსწავლელთათვის. შეიქმნება ადაპტირებული მასალები, მაგალითად, ტექსტები, გრაფიკული გამოსახულებები, ილუსტრირებული ტექსტები, ორენოვანი ლექსიკონები, თარგმანის პროგრამები.  შეფასების მეთოდები, სადაც მოსწავლემ უნდა წარმოაჩინოს თავისი ცოდნა,  იქნება მოდიფიცირებუი, შეფასების ფორმატი - მშობლიური ენის გამოყენება, ნაცვლად ქართულისა, ან ზეპირი გამოკითხვა, წერილობითი ტესტის ნაცვლად.
	მაღალი აკადემიური მოსწრების მოსწავლეები	მიეცემათ მეტი დამოუკიდებელი შესასრულებელი დავალებები; ცოდნის წარმოჩენისთვის მათ მიეცემათ  რთული დავალებები, სიღრმისეული კვლევა, მოკვლევა მსწავლელის მიერ არჩეულ თემაზე, ღია დავალებები და პროექტები.  რესურსები - მრავალფეროვანი კლასგარეშე საკითხავი ლიტერატურა, მათზე პრეზენტაციების მომზადება მრავალფეროვანი მასალით და მისი წარმოდგენა კლასისა და ფართო საზოგადოების წუნაშე.
სასწავლო თემისთვის საჭირო მასალები

ტექნოლოგია – ტექნიკა (მონიშნეთ პროექტისათვის  საჭირო ტექნოლოგიური უზრუნველყოფა)

ფოტოკამერა  კომპიუტერი (ები)  ციფრული კამერა  DVD ფლეიერი  ინტერნეტკავშირი	ლაზერული დისკი  საბეჭდი მანქანა/პრინტერი  პროექტორი  სკანერი  ტელევიზორი	VCR, ვიდეო  ვიდეოკამერა  ვიდეო საკონფერენციო აღჭურვილობა.  სხვა
ტექნოლოგია – პროგრამული უზრუნველყოფა (მონიშნეთ პროექტის ფარგლებში გამოყენებული პროგრამა/პროგრამები )
მონაცემთა ბაზა/ცხრილები  საგამომცემლო პროგრამები  ელფოსტის პროგრამა  ენციკლოპედია კომპაქტდისკზე	ფოტო/სურათების დამუშავება  ინტერნეტძიება  მულტიმედია	ვებგვერდის შექმნა  ვორდის პროგრამა  სხვა

ბეჭდვითი მასალები	შეგიძლიათ იხილოთ  ბიბლიოგრაფიის ჩანართში
ინვენტარი/მასალები
ინტერნეტრესურსები	იხილეთ საავტორო უფლებების ჩანართში
სხვა რესურსები	ადგილობრივი თემის/საზოგადოების წარმომადგენლები, მშობლები